قالوا فلانة تريدها لابنها
يصعب عليي المشورة من بعدها
البنت الجميلة الكل يقرع بابها
لكن قليل اللي بيحظى بسعدها
كل يوم في عا بابها زوار
اشراف ناس ومن رجال كبار
سمعوا بحلاها من لسان الناس
اتيوا اليها يخطبوا عالدار
لكن يا حسرة الصد صار عادة
يغر الجمال النفس ويعادي
كل ما انقرع هالباب يكون الجواب
مالك نصيب يا ابني انت ك اولادي
وهيك في كل يوم من بعد يوم
برم دولاب الهوى وتغيروا القوم
العرسان الكانت تتهافت على الباب
عندها صار احفاد عمين اللوم
وكبرت العروس ست الجمال
وراح الحلى عن وجه حسنه مال
لا عاد ينفع لا بكي ولا عويل
ولو كان ملو البيت تبر ومال
الزواج الله محلله من اجلنا
بستان تزرع فيه يعطيك الثمر
ما حدى عا كبر ينظر بحالنا
الا ما زرعه من نسل فينا القدر
لا يغرك الجمال ولا زهوة الحال
فكر بانك بشر من طين مخلوق
توبك عليك تراب من صلصال
للخير اجعل نفس دوم تتوق
لا غنى الا غنى النفوس
لا جاه ينفع بقى ولا فلوس
من زهى بنفسه حا يعيش خسران
يقضي حياته بالنحس منحوس
نيال من عرف سر الحياة
يعمل لاجل ما بعد الممات
مدرك بانه ضيف بهالدني
راحل كما سائر المخلوقات
0 التعليقات:
إرسال تعليق