بلا قلب دماغ
************
عجله واحلي من الاتوبيس
واحلي من المترو والعربيه
لا مرور ولا ترخيص
ولاجراج وادفع نقديه
وفي الشقه اعملها كيس
وتبقي الحلوة قدام عينيه
وسيبك من التهييس
وسيبك من الاونطجية
بلا قلب دماغ
وياسلام بقي
لو العجله بدورين
ونعملها تذاكر
ونلم النقديه
ونروح الشغل بسرعه
والعيال تلحق تذاكر
ونعمل للخضار شنطه
والست تبطل تتعب وتعافر
والرحله تبقي اونطه
احنا بتوع الخواطر
بلا قلب دماغ
ويا سلام بقي
لما نعملها كشافات
ونأجرها بالليل
والفلوس تبقي بالشولات
ومن كترها منعرفش نوديها فين
ونبقي من البهوات
والبنوك تتملي بالملايين
ونحاول نصرفها بالكميات
زي اسماعيل ياسين
بلا قلب دماغ
عجله توفر بنزين
ولا تقول خد ولاهات
حتي الميه والكروسين
ولا نعمل مشاكل ف الطرقات
ولا زحمه ولا حراميه
ولا نصابين ولا محتالين
احلي سلام واجمل تحيه
نعمه وفضل تمنع شر العين
بلا قلب دماغ
وعلي فكره اعملها منفاخ
زي العربيات الاوربية
ووقت الراحه ننام جواه
والعيشة تبقي مية مية
وممكن اعملها صندوق
ووقت الفسحه تكون حنطور
والعيال ترقص وتهيص
عجله واحلي من الاتوبيس
واحلي من المترو و العربيه
بلا قلب دماغ
***************************
بسيوني صديق
0 التعليقات:
إرسال تعليق