أممكن
كله جايز كله ممكن
كله قال لعل يمكن
بكرة تحلو الحياة
أو ترميلنا طوق نجاة
ينجدنا من بحر السواد
إللي غرّق العباد
لما فاض وذاد وغطى
كل شبر في البلاد
كله جايز كله ممكن
كله قال لعل يمكن
الليالي تجيلنا راسمة
ع الشفايف أحلى بسمة
والنجوم ترجع تلالي
والقمر يبصم له بصمة
في نن عينا باللوالي
كله جايز كله ممكن
كله قال لعل يمكن
ع الباغي تدور الدواير
والأمل يجيلنا طاير
بعد غربة السنين
يجيلنا شايل البشاير
كله ممكن كله جايز
تدي الدنيا للي عايز
ولا كل دا كله حلم
ولا مشهد جوة فيلم
ولا شمس في الأزايز
بقلم طارق السيد
0 التعليقات:
إرسال تعليق