قصيدة
مانسيناش رابعه
للشاعر العفريت
…………………………………
رابعه هنا...وف قلبنا
بكل ناسها الطيبين
رابعه دي كانت ملحمه
في قلوبنا لسه معلمه
وصورها قاسيه ومؤلمه
ماتتنسيش ولاتتمحيش
ولاتتوصفش ولاتترسمش
بريشه ولا بمقلمه
رابعه مهياش مكلمه
رابعه دي صبحت معلمه
راح تتحكي عبر التاريخ
جوه الكتب
عن غدر جيش
باع شعبه وعليه إنقلب
إزاي هننساها
والصوره لسه في العيون
والدم سايل عالجبين
بدل الدموع
والقلب من جرحه حزين
يا رابعه يا وجع السنين
صوت الرصاص الحي
لسه في الودان
وسحابه سوده مغيمه ماليه السما
بهموم وبكتير ماالدخان
وصراخ كتير وناس كتير متألمه
ودمها مغطي المكان
أصوات كتييييييييير
مخلوطه وبصوت الأدان
رابعه ده يوم مشهود
وكأنه خط حدود
فرقنا كده نصين
نص مازال إنسان
والباقي بأه حيوان
رابعه دي قصه ماتنتهيش
فاقت حدود العقل والمنطق
رابعه حكايه ماتتحكيش
لوتتحكي كان الحجر ينطق
رابعه حكايه مايحكيهاش
بس غير إتنين
اللي قتل واللي إتقتل
كل البشر
حتي اللي كانوا موجودين
ماشفوشي كل اللي حصل
اللي قتل قناص
كان النشان بالعين
كان الرصاص بيضربه
في القلب أو في الرآس
واللي إإتقتل روحه أكيد
شاهده علي اللي حصل
هتقابله يوم الدين
#الشاعر_العفريت
0 التعليقات:
إرسال تعليق