شيئ من حياتي
.. يوم حزين ..
ومشينا انا وانت ؟
في درب الهوى .. احباب
وعشنا سنين
ماعاشهاش .. قبلنا احباب
الهنا في قلوبنا وعشنا
والحب فينا داب
والدُنيا صفيت لنا
ما شُفنا يوم عذاب
يا فرحتنا .. ضمينا وودينا
بعيد مع الاحباب
ويا ايامنا .. خبينا
ودارينا من الحُساد
وخلينا ماشيين
في درب الهوى احباب
وفي سكة الاحباب .. عدينا
طلت علينا عنين
شافتنا وبكِت علينا
وقالت ؟؟
أّدي اتنين
فاكرين نفسهم احباب
بكره يتفرقوا زينا
ويشربوا مُر العذاب
ضحكنا ومشينا .. واحنا فاكرين
اننا ماشيين في درب الهوى احباب
مشينا كتير
وطال الطريق بينا
وقفنا .. قلنا وصلنا
أتارينا ما عدينا
قالت قلوبنا وبحس (احساس) واحد
ياااه يا دُنيا .. ظلمتينا
اوعي يا دُنيا في حُبنا
يكون حُكمك علينا
دا جرح الهوى قاسي يا دُنيا
وكله عذاب
امانه يا دُنيا .. خلينا ماشيين
في درب الهوى احباب
وافترقنا !؟
في يوم حزين
يوم عمره اطول من سنين
التاريخ نفس التاريخ
يوم لُقانا يوم فُراقنا
والمكان زي المكان
بس بينهم سفر وسنين
وايام الهنا راحت خلاص
وبقيت حزين
وانت يا عمري الحزين
عيش على ذكرى حُبنا
دا احنا عشنا سنين
ماعاشهاش قبلنا احباب
بقلمى/ ابومعاذ Abo Moaaz Mohamed
0 التعليقات:
إرسال تعليق