صباحك يا بلدي /بقلم المبدع عبد العليم ابو عبده

صباحك يا بلدى --- معطر بريحة الورد والريحان -- صباح نادى وهادى وكله حنان -- صباح بلون البسمه والنسمه له كيان -- بتهفهف على قلوب بدوب ف محبة الانسان -- والفرحه تعمه طعمه ف حنك الغلبان -- اللى طال سهاده وساق عناده ووجودك قلقان -- ولما شافك مرتاحه بصراحه رجع الفضل للرحمن -- وقالها باعلى صوت مصر عمرها ماتموت دى مذكوره ف القران -- ومتهنى القريب والبعيد ويومك سعيد يابلد الجميل والعرفان -- يامصر يا اغلى من روحى والكيان -- يا مل ف بكرى وفكره بيحققها الامتنان -- وشعور دافى واخدنى عتد شوق محايدنى ومخليه يشتاق كمان -- واشوفك يابلدى جنه وطير غنى ع الاغصان -- وشمس دفا ونور وجبال وبحور كلها امان -- وقمر طالل وحب هالل وياحلاوته وغلاوته الخير وهوه اكمان -- والعز جاه من الله وللمحبه سلطان -- وقلبك يامصر كله رخا وفخفخه ونصر ع العدوان -- وعزيمة رجال فاقت الخيال ابطال ف كل مكان -- حارسين ترابك الغالى وسهرانين الليالى بيرخوا الامان --- على برك وبحرك وسحرك اللى ملا الوجدان -- والمحبه زرع اخضر بيتمخطر ف ارض حصبه طارحة خير وجنان -- يااغلى بلد ف الودود وحياة ربنا المعبود انت اغلى منى ومن ولادى ومن كل بنى الانسان-------------------------------------------- الشاعر \\ عبد العليم ابو عبده