صباحك يا مصر /بقلم المبدع الشاعر عبد العليم ابو عبده

صباحك يا مصر --- صباح الفلس والجوع -- صباح السرقه والكسب غيرالمشروع -- صباح شريف جنب الحيط ملطوع -- صباح اكابر-- وعم صابر -- هرت عنيه الدموع---- صباحك يامصر -- -- عصر -- وتكسير ضلوع -- واللقمه الحلال -- شلة الضلال -- خلت سعرها مرفوع -- وجيوب الغلابه مهلهله -- وديون متلتله -- والخير منزوع -- مفيش غير ذل -- وغل -- وسيد الكل -- ليلته فل -- على ضوء الشموع -- بيشرب خمره -- وجنبه السمره -- شفايفها -- هو عارفها -- طوع -- بيحضن ويبوس -- ومفيش قلوس -- تعشى غلابه -- وتشيل كابه -- وتلبس عريان جربوع -- لانه مصرى -- مش عصرى -- وراضى -- ببيع الاراضى -- والسلب -- والنهب -- ف عرفه -- ممنوع -- صباحك يامصر-- رقاصه ف شارع الهرم -- وبطن شاكيه م الالم -- وعيشه عدم -- والزعل مرفوع -- وحد السيف -- ع اللى مش لاقى الرغيف -- وميت م الجوع -- ممكن يروح ف داهيه -- ونفسه الواهيه --تعشق الخضوع -- ولحظة الضعف --- ملهاش وصف -- عند اللى هدومه مقطعه من ع القفا والكوع -- ودموعه سالت على خده -- ومش لاقى وده -- غير عند الاندال -- اللى معاهم المال -- لكن ودهم مقطوع -- وجوه السرايا -- بغايا -- وسوء نوايا -- للساكت -- واللى ماتت -- جواه ضحكه -- كانتله دايما طوع -- وكتر البلاوى -- عايز حكاوى -- كتبها القلم -- كلها الم -- وفين الصوت المسموع --- اللى يواجه الباطل -- بفضيحه بجلاجل -- ويقول للشر -- مهما تشتر -- انت ملكش خضوع -- ----------------------------------------------------------------------------------------- الشاعر \\ عبد العليم ابو عبده