مصرلماتقول
مصر لما تقول ولادى
الكل يجرى يقول بلادى
من كل فج وكل وادى
م الحضر أو م البوادى
من قلب غيط او جوه نادى
سواءداجرجس أو دا هادى
أودى مريم أو دا شادى
احنا ليك وفى الميعاد
وحياة اله رب العباد
لنلبى ليك أمر النداء
أنت عمرى وروح فؤادى
وماتخافيش ابنك فدائى
ما يهموش خونة وأعادى
مصر بلدى أعظم بلادى
رسمنا فيك حلم السنين
نزرع ف ورد حب وحنين
يداوى جرح يزيل أنين
يمحى هم قلب الحزين
بكل دين صادق أمين
هنروح نحطم القيود
نجرى نعبر الحدود
ونزيل كمان كل السدود
دى أوامر مش وعود
نسير على درب الجدود
نقسم نحافظ ع العهود
بكل قلب صافى ودود
عشانك أنت يا بلادى
مصر طول العمر حرة
فى عيون الدنيا أمة
فوق جبين الدهر درة
للغزاة قبورها مرة
والشهيد فى مصر غرة
فى عوالم تانية برة
فى السما أعلى المجرة
فى فرح وفى مسرة
واللى. خان بلادى عرة
مصر لما تقول ولادى
الكل يجرى يقول بلادى
.......................
بحبك يامصر وبعشق ترابك
أحس بانينك أحس بحنانك
بحبك بغيطك بحبك بفاسك
بحبك بأهلك بحبك بناسك
...............
بحبك يامصر وحبك كبير
وحبى يامصرعليك مش كتير
الشاعرمحمدعرفه
0 التعليقات:
إرسال تعليق