نفسي أكتب كلام /بقلم المبدع الشاعر عبد العليم ابو عبده

نفسى اكتب كلام -- زى وسخ الاودان -- تحسه البهايم -- وتفهمه التيران -- ويكون حقيقة وضع -- صابه الصدع -- واتهدله بنيان --- كلام يعد حيل الاسافل -- ويخلى الغافل نبهان -- ويشق بطن الباطل -- ويماطل اهل الطغيان --- وتبان الحلاوه م المراره -- والشطاره -- للجدعان -- والحال المايل - -- رسايل --- بتحكى مر الزمان -- وتوصف الالم -- والعدم -- لحيوان -- ف صورة انسان -- لاعنده دين ولاذمه --- وسايب الغمه -- تهدم كيان -- وهيه العباره -- مراره -- قبل الطوفان -- وكل واحد ياخد نصيبه -- قبل ما يصيبه -- البهتان -- والحق عارف صحابه -- ويقفل بابه على نفسه الشطان -- وتحل ااتقوى ف القلوب -- وتقل الشكوى م النضوب --- والمعطوب ف الاصل الحيران -- اللى منابه م الناس مصالح -- والوش الكالح وداه اللومان -- والمسجون -- مجنون -- من عظمة السلطان -- للى ملا الغلابه -- -- كابه -- وخلا العويل نشوان -- وزرع القساوه شوك -- ف قلب صعلوك -- الباطل عطاله نيشان -- وخلاه يكمم الافواه -- لما تاه -- جوانا البيان -- وبقينا نصبر ع البلوى -- والسلوى -- فقير ف وش الضلاله عشمان -- ويابخت الصابر ع البلا -- والبلبه -- ولساله لسان -- يدوق بيه المر -- ويقول انه حر -- مهما اتملا حرمان-- وزاد عليه الهوان --------------------------------------------------------------------- الشاعر \\ عبد العليم ابو عبده