حتعرفيني
---------
بقلمي - عادل عبد الرازق
-----------------------
حتعرفيني
بعد مايدور بينا الزمان
وتندهيني
في كل ذكرى وكل مكان
داير ما يدور
أنا مرسوم على الجدران
أنا فيكي أنا منك
أنا قلبك أنا نبضك
أنا دروبك وقناديلك
أنا شجرك على أرضك
أنا ضلك وخطاويكي
وانا ننّك بين الأجفان
داير مايدور
أنا مرسوم في كل مكان
...
تدور الدنيا في عينيكي
وتتغيّر ملامح الكون
وحتشوفي وشوش حواليكي
وتندهلك شفايف وعيون
لكني جوّه جواكي
وبرّاكي أنا الأوطان
داير ما يدور
أنا مرسوم في كل مكان
...
زتعشق نظرتك غيري
وتاخدك مدن وبلاد
لكن قلبي في مشاويرك
ملازمك مدى الأبعاد
وحيخونك عاشق غيري
وتفتكري إن انا إنسان
وتعرفيني
بعد ما يدور بينا الزمان
داير مايدور
أنا مرسوم في كل مكان
***
0 التعليقات:
إرسال تعليق