خليك بعيد بقلم المبدع سمير فوزي

:::{خَـــلـيـــك بــعـيـــــد}.....بقلم ......د/سميرفوزي عمر
إيديك بترسم.... نور ضباب...............وبيه تزغلل نظرتي
عنيك تقول.... نورك سراب .............وشوقه يركب خطوتي
ماشيء يكون ....بعد اللي كان ..........ماعمري تاني هصدقك
خليك بعيد ......يابو قلب خان ..........إن جيت لي تاني هخدعك
.........................*****************...........................
سمعت منك.... كلام كتير.................وعيني شربت دمعتك
شِوَيًة تلبس.... توب أمير .................شِوَيًة تفرد شكوتك
ماشيء يكون ....بعد اللي كان ........ماعمري تاني هصدقك
خليك بعيد .......يابو قلب خان..........لو جيت لي تاني هخدعك
.........................*****************...........................
حكيت لي إنك من زمان.................والدمع ساكن في العيون
ونفسك تدوق لمسة حنان ................والحضن دافي ليك يكون
ماشيء يكون ....بعد اللي كان ..........ماعمري تاني هصدقك
خليك بعيد.......يابو قلب خان ...........لو جيت لي تاني هخدعك
........................******************.........................
فَرَدت قلبي طوق نجاة .................عملته ليك المركبة
عَبَرت بيك من جرح أه .................لضل تُوتة مِرَطَبَة
ماشيء يكون ...بعد اللي كان ............ماعمري تاني هصدقك
خليك بعيد ......يابوقلب خان ..........لو جيت لي تاني هخدعك
...................*********************................................
لَمًا أكلت.. وارتويت .....................والضحكة قادت سكتك
بالغدر مِنًك إنكويت ......................من لحمي عايز لقمتك
ماشيء يكون ....بعد اللي كان ..........ماعمري تاني هصدقك
خليك بعيد .....يابو قلب خان ...........لو جيت لي تاني هخدعك
...................*********************............................
خليك هناك .....راكب هواك .........وسوق حصانك في الهوى
لو يوم جافاك .....طبيب سماك .......تلاقي قلبي ليك دوا
ماشيء يكون ....بعد اللي كان ........ماعمري تاني هصدقك
خليك بعيد ......يابو قلب خان ........لو جيت لي تاني هخدعك
...................*********************............................
الحب عندي ماانتهاش ................ما يوم هتبكي دقتي
بَسْ اللي باعني يوم بلاش ...........عن عينه هبعد رَسمتي
ماشيء يكون ...بعد اللي كان ........ماعمري تاني هصدقك
خليك بعيد ...يابو قلب خان ...........لو جيت لي تاني هخدعك
....................*********************.............................
لو عاز عيوني مااعزهاش .............من غير مايعرف سكتي
ماعمري أقول له ماتنساناش............مانظرة منه رغبتي
ماشيء يكون ...بعد اللي كان .........ماعمري تاني هصدقك
خليك بعيد ....يابو قلب خان ...........لو جيت لي تاني هخدعك
...............{من ديواني ........عامية سميرفوزي ....الجزء الثاني }