شعب مصرالعظيم هذه قصيدتي الجديدة.. جيشك يامصر.. عن الجيش المصري أعظم جيوش العالم أقول فيها.....
جيشك يامصر في كل ثانية
حامي حدودك والدنيا قايمة
بتسأل جيوشها والنفس لايمة
اشمعني مصر جيوشها صايمة
وجنودها دايما للنصر حامية
وفي عشق مصر روحها هايمة
عقولها صاحية في دنيا نايمة
عقيدته واحدةدي مصر دايمة
في وسط بحر دولها عايمة
مصر يابني دي أغلي درة
عايشة شامخة وعايشة حرة
عايشة شمس للدنيا غرة
جنودها حرة في حروبها مرة
وطنها بس في عيونها قرة
جنودك يامصر للعرض صاينة
وفي نن عينها لولادها شايلة
جيشك يامصر أسطورة تانية
عزة وكرامة للدنيا باينة
ولكل دولة محتاجة عاينة واللي يبص لترابها هاينة
جنود بلدنا علينا غالية
أرواحنا ليكي يامصر شارية
جنودك يامصر بتحكي لينا
تاريخ عظيم من أرض سينا
من عصر أحمس وعصر مينا
ذرة ترابك دي دم فينا
عشقك يامصر إنجيله بينا
واسمك يامصر قرآن ودينا
جيشنا سطر أجمل حكاية
من البداية حتي النهاية
في تاريخه أعظم رواية
مصر باقية للنهاية
مصر نور لينا كفاية
مصر باقية للدنيا نور
مهما كان فيها القصور
شموس بتحكي للبدور
رجال قوية ونسائها حور
حكايات جميلة عبرالعصور
مصر باقية للدنيا نور
جيشك يامصر في كل ثانية
حامي حدودك والدنيا قايمة
......................
بحبك يامصر وبعشق ترابك
أحس بأنينك أحس بحنانك
بحبك بغيطك بحبك بفاسك
بحبك بأهلك بحبك بناسك
الشاعرمحمدعرفه
0 التعليقات:
إرسال تعليق