الشاعر المصري / احمد ابراهيم
**************************
في قصيدة / رافض اموت
********************
فوق رفوف الذكريات
قلب حب
وقلب دق
وقلب راحل من سكات
قلب حي وقلب مات
قلب عاش ف دموع آهات
قلب غنى وقلب فات
من دروب الذكريات
والفراق أصبح سطور
ع الورق
شجر الخريف ناشف ومات
وارتعش
قلبي الضعيف
على جزع ناشف اتشنق
اشتاق وغاب طيري الجميل
أصبحنا ف عكس الطرق للمفترق
ذكري وسطور حبة صور
والعطر منك غاب بعيد
قلبك سرق فجري البريئ
أصبحت صورة بدون رسوم
والليل بدأ
ساكن سنيني المجروحين
املي اتشنق
ما بين دروبي المزروعين
طارح ألم
يا حبيبتي لو مكتوب اموت
بين الخريف انا بعترض
رافض اموت ثورة حنين
وانا بنتفض
بهتف رجوع بهتف رجوع
يا حبيتي زاد الجرح زاد
وية الشتا وانا بتنفض
رعشة حنين بين الضلوع
بهتف رجوع
يا حبيتي طال البعد طال
من بعد منك بتكسر
من بعد منك روحي شئ
والجسم عنها بينفصل
من غير وجودك
واحد غريب
ماشي ف طريق
وانا بترجف
ميت اكيد انا بعترف
انك حقيقة عمر فات
بذكريات والنبض جوايه وقف
والنبض جوايه وقف
*******************
بقلم الشاعر المصري / احمد ابراهيم
0 التعليقات:
إرسال تعليق