نفسى إيدى تمسك إيدك
أنا مش عايز تبقى ذكرى زى باقى الذكريات
أو تبقى جرح جوه قلبي أصرخ منه باالآهات
أو تبقى دمعه ماليه عينى وأبكى بيها من سكات
أنا عايزك تبقى ورده بعطرها يفوح فى المكان
وكمان تبقى شمعه منوره بضيها فى كل المكان
عايزك حضن يدفينى من برد الشتاء مهما كان
وكمان ضهر وسند ليا ياحبيبى من غدر الزمان
نفسى أيدى تمسك أيديك وأحس معاها بالحنان
نفسى نعدى كل البحور ونوصل سوا لبر الأمان
عايزك تبقى ليا وجنب منى قبل مايفوت الآوان
وأكون مرفوع الرأس وعمرى ما أطاطى وأعيش جبان
✏ رضا حسب النبى
0 التعليقات:
إرسال تعليق