( انا الشقيان )
كلمات: الشاعر : رزق جادو
انا الشقيان يابهيــــــــــــــة .......... ومحدش ليه حاسس بيـا
انا اللي حقوقي منســــــية .......... انا الميت بدون ديـــــــــة
انا المظلوم انا المســـــجون .......... مكان حد من الواصليـــــن
انا الشماعة اللي بتشــــيل .......... بلاوي الظلمة والفاسديـن
انا لو نمت مريض مـــــــــرة ........... انا وولادي نبات جعانيــــن
انا الحارس حدود ارضـــــــك ........... انا الصانع نسيج غزلـــــك
انا الزارع غيطان قمحــــــــك ........... انا الباقي علي خطـــــرك
وانتي عليا مش ســـــــــالة ..........علشان مش لابسلك البدلة
انا ابنك وابن ابــــــــــــــــنك .......... انا المفطوم علي حـــــبك
انا الشقيان يابــــــــــــــهية ........... ومحدش ليه حاسس بيـا
انا اللي حقوقي منــــــسية ........... انا الميت بدون ديـــــــــة
انا العايش حياتي صبور .............. منايا اعيش واموت مستور
تمر شهور وراها سنين ............... واقول يمكن هايجي الدور
وبكتم صرختي فيا .................... وارسم بسمة في عينيا
انا اللي شايلك علي كتافي ........... سنين عمري وانا حافـــي
انا اطهر ولاد ارضـــــــــــــك ........... خديني في حضنك الدافي
انا الصانع انا الزا رع انا العامل ............ انا المهني انا الحرفي
انا ابنك وابن ابنـــــــــــــــك ........... انا المفطوم علي حــــبك
انا استاهل انو ل عطــــفك ............. انا سندك انا ضهــــــــرك
الشاعر: رزق جادو
0 التعليقات:
إرسال تعليق