يا وطن.. خاطرة عامية بقلم المبدع عبد العليم ابو عبده

🌍 ياوطن  🌍 - عطن -- وعفن -- ومباح -- فيك الشهامه -- ندامه -- والكرامه -- جالها كساح -- والحر-- بقى ضر-- والخاين -- باين -- عايش -- قصة كفاح -- والزعيم -- بهيم -- واللئيم -- جه م الزمن اللى راح -- والعدو بقى صاحب -- والاحتلال واجب -- والتراب -- خراب -- ومباح -- والهقيه -- بقى صاحب تكيه -- والوسيه -- نهبها الاصلاح -- والقوميه -- رزيه -- بتزود جراح -- والقزم -- واللى عنده رومانيزم -- ماسكين السلاح -- والحريه للهفايا -- والهدف والغايه -- حصد ارواح -- وصراخ ونواح -- -- يادين الروس -- والمجوس -- والامريكان والهوان -- العربى سواح -- ومين يجيب اللى راح -- والعروبه -- معطوبه -- وكانت شجر تفاح -- جنبها الامانى -- والاغانى -- والليالى الملاح -- ايام مكانت الايد ف الايد -- -- والدم واحد ف الوريد -- واللى بيحارب -- يهود -- ظلمهم معهود -- دى كتنت ايام احلام -- ليلها له -- فجر وصباح -- لكن النهارده لكل دويله زعيم -- بيحرم -- ويتعم -- عز -- وضيم -- وبالحديد والنار -- بيكمل المشوار-- ويدوس بالجزمه -- ع اللى ملهومش لزمه -- محاريم -- ومطاليم -- ووسط الحاشيه -- اهى ماشبه -- ومرتاح -- ملوش دعوه -- باللى جه -- ولا اللى راح -- --واهوه القدس راح -- والعراق مليان جراح -- وسوريا الغدر فيها مباح -- واليمن -- كفن-- لكل سماح -- ياوطن -- عطن -- وعفن -- ومباح -------------------------------------------------------------------------------------✍️-- الشاعر \\ عبد العليم ابو عبده ✍️