******** الصوره ********
لسه شايف صوره واقفه
جوه أسوار الحقيقه
لسه شايف عين بتنزف
ويِّا أحلامها البريئه
اللى فات م الماضى عدِّى
واللى جاى بعيون جريئه
عيون بتجرح وبقسيه
١٠٠٠ جرح وفى الدقيقه
** لسه شايف صوره واقفه **
** جوه أسوار الحقيقه **
صوره مسجونه ف خيالنا
واللى خالنا إنها بتقيد حريقه
لسه شايف حاجه فيها
رغم ألوانها الركيكه
لسه حاسس نبضى فيها
رغم وقفتها الكسيحه
صوره فيها ذنوب كتير
عاشقه دايما للخطيئه
** لسه شايف صوره واقفه **
** جوه أسوار الحقيقه **
والحكايه جوه صوره
صورة كانت يوم مهيبه
وانهارده الصوره واقفه
ازازها مكسور ع الأريكه
حتى بروازها مكسِّر
والنهايه بقت وشيكه
واللى يوجع إنها
صوره كانت يوم حبيبه
¿~¿《 طلعت عامر 》¿~¿
0 التعليقات:
إرسال تعليق