فكر شمال
خطرت لى يوم فكره سيطرت ع البال
وسألت نفسى سؤال
طول عمرى ماشى يمين ما اجرب امشى شمال
واجرب اشرب سجاير
واهزر واجرح واعاير
واعاكس اى بنت بضفاير
واوصف جمالها وعودها اللى فاير
واتفرج على افلام اكشن
واعكس كل الحنين والرومانسيه
يمكن يكون الطيبين غلطه
او القلوب الطيبه مريضه
عليها اجسام عريضه
وفاضيه من جوه
واكون واحد جديد جدا
وكل ما يشوفوا يقول خلاص مش هوه
بقى قاسى وبيشرب سجاير
وبيعاكس ومايحبش ومش طيب
ولا ساذج ولا غلبان
بقى بيرازى خلق الله فى الطرقات
واعيشها مختلفه مافيش فيا حاجه مؤتلفه
ابطل امشى واركب تاكس
مش يمكن لو مشيت بالعكس
الاقى نفسى بتغير
والقيها بتضحكلى وبتقوللى انا حامل
واوعدكم بعدها هارجع واعيش كما الاول
واعيش طيب واستقيم تانى
وأبطل سجاير وأبطل اعاكس البنت فى الطرقات
واكون من بعدها انسان
جديد لاهو اللى كان غلبان
ولا اللى كان مصطنع عشان يكون له جنين
هو بس كان له حنين
لكلمه اب
وفى عز ظلام الليل يبكى ويقول ياااااااااااااااااارب
0 التعليقات:
إرسال تعليق