.. اقول الأه ..
من تحت انقاض وبقايا السنين
من وسط أكوام الجراح والأنين
أقول الأه والكل سامعين مش سامعين
مع أني شايف الناس من جنبي ماشيين
أصرخ فيهم يا ناس اسمعوا شكوى الحزين
تبص ليا العيون بس الودان مقفولين
وليه اشكي وهما اصلاُ مش فاهمين
أسكت احسن وبأيدي أكتم الجراح والأنين
أحط همي ف صدري وأنضم لصفوف المظلومين
يا دُنيا ارحميني وامسحي حزنك من ع الجبين
خليني ولو مره مع الناس الفرحانين
وكفايه كدا ابعديني من وسط الحيرانين
يا زمان حيرتني اشكيك لمين
باقي خطوه وتضم واحد للمشردين
ليه يا زمان ولاد الأصول فيك متبهدلين
الحزن ماليهم والمُر شربوه ومستحملين
والزمان قاسي ومايل عليهم وساكتين
ظلمتيني يا دُنيا ليه ووخداني بذنب مين
يا دُنيا انا المظلوم وانتي اول العارفين
ليه حزنك وهمك عندي انا متجمعين
رغم ان الدنيا واسعه وفيها من البشر ملايين
لو فرقوا همي عليهم تسمع صراخهم والأنين
ولو اعطوهم نص حزني تلاقي الكل تعبانين
وهنا الناس سمعوا وللعطيه رافضين
الكل رفضوا اشياء انا شايلها من سنين
حملي تقيل فيك يا زمان لكني صابر مع الصابرين
ومن أمن بحكم الله وبات قانع مع الراضيين
ربنا هايعوضهُ عن صبره خير وهو اقدر القادرين
يا رب فرج همومي وحزاني يا ارحم الراحمين
ليك وحدك رفعت كفي ودعيت مع الداعيين
اللهم اكشف الغم وفرج هم المهمومين
بأيدك وحدك تغير الأيام للفرح بدال الأنين
واخر دعوانا اَن الحمد لله رب العالمين
بقلمى/ ابومعاذ Mohamed Abo Moaaz