.. الغنوه الحزينه ..
باغني للعشاق وللأحباب
ولكل قلب عايش لحظة هنا
قبل ما تحبوا إسمعونى أنا
وشوفوا حكايتي في الهوى
في يوم حلمت زيكم بالحب والآحباب
ودي كانت بدايتي .. اسمعوا حكايتى
من غير ميعاد...... شفتها
وقلبي فاتني وراح لها
عشنا سنين جميله
كبر الحب في قلبي وقلبها
شفت الدُنيا.... بعنيها
وكنت احس... بقلبها
اديتها عمري
وكان مش كفايه لحبها
عشت الحب وشفته بعنيها
وبقلبي أنا عاشت حبها
ضحكنا للدُنيا كتير
وكُنا نقول... انها بتضحك معانا
أتاريها... بتضحك علينا مش لينا
وابتديت احس بالحُزن ف عنيها
وبرعشة الخوف لما المس ايديها
وم الخوف وبالخوف.. اتبدل فرحنا
والدُنيا جابت اهات وانين بعد الهنا
فرحنا يومين .. ضحكنا يومين
ودلوقتي فين .. هانداري دمعنا
ماتبكيش وداري الدمع يا عين
م راح وانتهى حلم السنين
ورغم العذاب .. رغم الألم
أنا غنيت .. للعشاق وللأحباب
وأخر غُنايا لقيتني بكيت
بقلمي/ ابومعاذ Mohamed Abo Moaaz