.. مش ممكن ..
مش ممكن تكوني انتِ 
إللي حبيتها
ولا انتِ إللي 
حنان قلبي اديتها
مش ممكن تكونى انتِ إللي في يوم
تمنيها
ولا انتِ إللي احلى احلى سنين عمري
اهديتها
مش ممكن تكوني انتِ
ليه يللي حلمت معاكي
بأحلى ايام
ليه يللي عشنا سوى
دُنيا كلها احلام
ليه.. ليه الفراق
ليه تخلي حلمنا اوهام
مش ممكن تكوني انتِ
لا يا قلبي ماتبكيش عليها
وسيبها بُكره لوحدها
تعرف قسوة الايام
سيبها تبعد .. ترحل .. تغيب
بُكره الشوق وحده هايجيبها
ويللا نفرح .. نحلم .. نعيش
نعوض الايام إللي خدتها
ولو يوم يا قلبي شفتها
وكلمتك تاني عن حبها
قول لها ..
مش ممكن تكوني انتِ
اللي حبيتها
بقلمى/ ابومعاذ Mohamed Abo Moaaz