جوا الحدث حكايات
ونسأل بأستفسار
ايه سبب السكات
ونفتش ف الاسرار
ونلاقى الموضوع مات
وكل يوم يبدأ حوار
حياه وفيها مولد ودوشه
تلاقى ناس جد وناس روشه
واللى غاوى
واللى حاوى
واللى وتد واللى قشه
وتلاقى قلوب عجيبه
اللى ع الفطره واللى تركيبه
اللى بالصدق بيتكون
واللى بالحقد بيتلون
وقلوب تلاقيها طبيبه
تلاقى اللى حظه يلعب
وده بيكون نصيبه
واللى صبره يتعب
والاحلام تسيبه
اللى بيحارب هواه
واللى الشيطان غواه
وقدر انه يجيبه
اللى تايه وسط الزمان
ومش لاقى لنفسه مكان
ولسه مش فاهم ايه عيبه
0 التعليقات:
إرسال تعليق