... يوم حزين ...
ومشينا انا وانت
فى درب الهوي احباب
وعشنا سنين
ماعاشهاش قبلنا احباب
الهنا في قلوبنا وعشناه
والحب فينا داب
والدُنيا صفيت لنا
ما شُفنا يوم عذاب
يا فرحتنا ضُمينا.. وودينا
بعيد مع الاحباب
يا ايامنا خبينا.. وداينا
عن الحُساد
وخلينا ماشيين
فى درب الهوي احباب
.. .. ..
وفي سكة الاحباب عدينا
طلت علينا عنين
شافتنا.. بكت علينا
وقالت.. ادي اتنين
فاكرين نفسُهُم احباب
بكره يتفرقوا... زينا
ويشربوا مُر العذاب
ضحكنا ومشينا
واحنا فاكرين... اننا
ماشيين فى درب الهوي احباب
.. .. ..
مشينا كتير
وطال الطريق بينا
وقفنا... ُقلنا وصلنا
اتارينا ما عدينا
قالت قلوبنا وبحس واحد
يااااه... يا دُنيا ظلمتينا
اوعي يا دُنيا فى حبنا
يكون حُكمك علينا
دا جرح الهوي قاسي يا دُنيا
وكُلهُ عذاب
امانه يا دُنيا... خلينا ماشيين
في درب الهوي احباب
.. .. ..
وافترقنا ف يوم حزين
يوم عمره اطول من سنين
التاريخ نفس التاريخ
يوم لُقانا .. يوم فُراقنا
والمكان زى المكان
بس بينهم سفر وسنين
وايام الهنا راحت خلاص
وبقيت حزين
وانت يا عمري الحزين
عيش علي ذكري حُبنا
دا احنا عشنا سنين
ماعاشهاش قبلنا.. حباب
بقلمى/ ابومعاذ Mohamed Abo moaaz
0 التعليقات:
إرسال تعليق