مرة كنت قاعد وحدي
وكان قلبي بيحاوني
كنت اهرب منه
عشان حواره كان تاعبني
بصيت هنا جنبي
لقيت اوراقي القديمة
كأنها بتشاورلي
مديت ايدي .. وجبتها
وغصب عني .. جبتها
وابتديت اقلب فيها وادور
وفجاة ... شفتها
وغصب .. عني شفتها
صورة ليها .. وتحتها
كلمة حلوة
مرة كانت كتبهالي
مسكتها وسرحت فيها
وف ثانية لقيت قلبي بيناديها
ومرة تانية .. شفتها
ايوه هيه ... دي جيالي
جريت عليها
وف حضن قلبي خدتها
وفرحت بيها ... وفجأة
وف عز فرحتى
لقيتني تاني .. قاعد مكاني
اتاريني شفتها
بس ف خيالي
بقلمي/ ابومعاذ Mohamed Abo moaaz
0 التعليقات:
إرسال تعليق