... قبل الرحيل ...
حبيبتي جات تودعني...
قبل الرحيل
جات ودموعها تسبق خُطاها
جات تقول... أحاول أنساها
قبل الرحيل
... ... ... ...
يا حب عمري...
أزاي اودعك وتودعيني
أزاي حُبنا يبقى جرح
بيه أجرحك وتجرحيني
حبيبتي ليه بكلمة وداع
تضيعي مني وتضيعيني
وليه بالوداع أعذبك وتعذبيني
... ... ... ...
ليه يا أصعب وداع
دا أنا قلبي شاري..
وعمره ما باع
ليه تعذبني...
ليه تغربني عن حبيبي
قبل الرحيل
... ... ... ...
حبيبتي جات تقوللي... أنسي
طب أنسي ايه أنا ولا ايه ؟
ومين ينسي نور عينيه ؟
ولا أنسى قلبي
ولما أنسي قلبي
أفتكر أنا تانى ايه ؟؟
طب حاولي انتي
ولو هاتنسي...
جيتى ليه تودعيني...
جيتى ليه تعذبيني
بالدموع دى ليه ؟؟
... ... ... ...
مش هأقدر انسي... ولا هاتنسي
يبقي ليه تودعيني ؟
وليه تغربيني
عن عمري ليه ؟؟
مسكين يا قلبي هاتعمل ايه
هي راحت... وراح معاها
أحلى حلم حلمت بيه
مجروح ياقلبي
مجروح في حبك
ومين يا قلبي غير حبيبك
هايحس بيك... وراح حبيبك
وده نصيبك يا قلبي
إرضا بيه....
بقلمى/ ابومعاذ Mohamed Abo Moaaz