يا عاشق الهوى
قاعد على شطي
ليه تناديني نهار وليل
وتقول مواويل
وتقول الأه
لحبايبك والغايبين
تبكى ودموعك بتجرى
وتيجي على شطي
وتلهب مياه نهري
وأصحي من نوم عميق
تنادينى وتسليني
بكلام الحب وتغنى
وتقول ياليل
وأنت ناسى إن حبيبي
نهر النيل
عايز تنسيني ليه حبيبي
ونصيبي
وأنت عارف إن حنانه خلاني
دايبه فيه
يا عاشق الهوى
أنت فكرني مين
أنا ملكة النيل وعروسته
بص وشوف هتلاقي صورتي
على مياه نهر النيل
وبتتلألأ فى ضى قمر الليل
والشمس تطلع وتشرق
والزهور تتفتح
على أنغام الناى الحزين
ومراكب رايحة وجاية
بتغنى ياليل ياعين
وتسلم على ورد النيل
وقلبي بيرقص على أنغام
صوت شلال
بيجرى فى وريدى
وبيعطينى الحياة بروحه
وحبه لي
يا عاشق الهوى
لما بقول عطشانه
بيجرى نهر النيل
يسقيني بيده
ويقول تسلمي يا عالية
الغالين
تسلمي ياحبيبتي يا زهرة
الياسمين
يالي ما فيه أغل ولا أحلي منك
يا عروسة النيل
0 التعليقات:
إرسال تعليق