الوجع...بقلم مصطفى قمر..

الوجع
الناس موجوعة بتتألم
والدمع على خدودهامعلم

ولا حدش قادر يتظلم
مكتومة وخايفة تتكلم
والناس مهمومة من القسوة
من المغرب للشام والحسوة
فيه ناس فى العالى لهم رشوة
وناس الموت جاى على سهوة
وناس فى الحق لهم كبوة
ووجع متفرق بلا نخوة
ياعرب وشعوب كنتم اخوة
ايه المطلوب لاجل العزوة
بكفاية هروب من مشاكلنا
وشبعنا حروب بينا داخلنا
وابن المركوب فرق بينا
واحنا المضروب والضارب احنا
مصطفى قمر