ولهان...بقلم نمر الشرق..

ولهان
بضحك في كل مكان
واميل علي الاحزان
بالبسمة ادوبها 
وبدور
افتح في طاقة نور
لكل عين شاردة
مودعة حبيبها
حساس
بحب كل الناس
وبسامح القسوة
من قلبي واعذرها
علي النيل
بغني في المواويل
واسامر النجمة
والليل يضايفنا
وكتير .... ببكي بكل ضمير
لفراقنا ايامنا
ودموعنا تسألنا
عشان من غير وداع
مشيت وسابتنا
ياسنين
نشكي عذابنا لمين
ولمين هنلجألو
ومين هيسمعنا
ياسنين
بكرة لفين رايحين
ومين هيلقانا
ومين يودعنا
مجروح...... عايشين حلاوة روح
كل الالم مسموح
والآه بتوجعنا
سامعين ..... يا قلوب العاشقين
صوت الآهات دي منين
ولكل آه معني
إمضاء: نمر الشرق