أيوه بحلم...بقلم كمال صلاح..

,,, أيوه بحلم ,,,,,
انسى حزنى وقلبى اللى انجرح
اسابق موجه بحر
بتعشق وش القمر
المس بايدى النور
اضحك ......
ايوه نفسى حتى ابتسم
واغزل من خيوط الشمس فستان للفرح
لكل صبية فى بلادي
وبلاد تاه فيها الفرح
ايوه بحلم
اشوف امى بتبسم
والفجر بيترسم
وولاد بيجروا هناك عند الشجر
تحت المطر
من غير ما يمسحوالقمة
وسط التراب
انسى العذاب
تنزل مره الشمس تحضن كل ام شهيد
دمعتها ...ورا الابواب
تمحى الضباب
تنادى ؟؟
ياانسان..كفاية بارود
وبلاش حدود
ده الرب واحد
والرزق فوق فى السما مش هنا فى الارض
كان أدم وحوا
فوق الارض
نازلين من الجنه
والارض هى ألارض
بقينا مش عارف كام مليار
وكام صرصار
ومن قلة البركه بياكلوا الفار
ايوه بحلم
ينزل مطر
يغسل كل الشجر
ويمسح روايح الدم من بلدى
تطرح ارضنا سنابل قمح
وعود ياسمين على الشباك
يرقص مع النسمة
وحبيبتى جنبى مبتسمة
دايبه من النسمه ومع الهمسه
طفل جديد يحلم يعيش فى امان
انا بحلم اعيش بامان
من الآخر
بحلم أكون أنسان
-
#كمال صلاح