قصيدتي
بعنوان /الفرحة دي فين
انا واقف قدام الحارة
وسمعت حليم
والضحكة العالية
وزغروته بتهز البيت
ويغنوا مع الغنوة وبسمة
والكل سعيد
قلت امشي واشوف
الدنيا كده جري فيها ايه
ونظرت إليها و شايفها
ماسكه المنديل
ومرايا بتشوف ضحكتها
وسحر العين
من نظرت شبكتني
رموشها
وسحر الخدين
قلت ادخل واسال عن بيتها
بعض الحاضرين
قالولي دي ليلة خطبتها
راح تشرب ايه
ساعتها حسيت بقيمتها
وبسحر العين
وفضلت ادور علي نفسي
معرفش انا فين
ولا عارف اشرق ولا اغرب
ولا اعمل ايه
قلت اهدأ يا قلبي وعلي مهلك
خايف كده ليه
بيرد يقولي أنه عشقها
من نظرت عين
وفؤاده مشغول بدلالها
وازاي يداريه
كان نفسه يروح يطلب أيدها
وتكون جنبيه
وساعتها راح يلمس ايدها
والعين في العين
ياسلام لما الحظ يعاند
ويحط عليه
ويحس أن أن الدنيا
كارهها
والموت يناديه
والحب اللي عمره ماكان
ولا مرة شاريه
ساعته بيحس بحاله
وضياع امانيه
بقلمي
عصام الاسمر
0 التعليقات:
إرسال تعليق