(((كان زمان فلاح )))
نأكل البهايم ولا ناكل ياولايه
أنا مليت وتعبت من الديوان اللى عليه
أعمل أيه ياربى فى الحوسه ديا
شوفى قيراط البرسيم بقى بكام
وشيكارة الكيماوى جابت للناس خبلان
قولتلك أزرع شوية خضار ملوخيه وباميه وبتنجان
أوشوية جرجير وفجل الناس بتحب الخضار فى رمضان
أهو ناكل منهم وتبيعى فى السوق
والحاله تمشى وتبقى عال العال
وأنتى مربيه على السطح شويةبط وفراخ
ناكل بيضهم وكل جمعه تدبحى لنا لحم حلال
العيشه ضاقت على الناس والفلاح بأرضه محتاس
شغال بأيده وعلطول ماسك الفاس
والأنفار بتتأمر ومش عجبهم اليوميه
والإيجاروخدمة الجرار بقيت نار
يدوب اللى جى على قد اللى رايح
وخلاص الفلاح مبقاش بياكل تفاح
ولاعايش مرتاح بقى تعبان
بيبع محصوله بأبخس الأثمان
لحد مارهن الأرض وباع الدار
ودار يادار يادار
راح فين الفلاح صاحب الدار
يا أما مات من المرض أوطفش وهاجر
وباع الأرض وجاب سرفيس
وبعد ماكان بيسوق عربيه بحمار
بقى سواق ميكروباص
وفى الآخر بسبب الظروف حصل له أنهيار
بقلمى/محمودصلاح السيد31/5/2017
0 التعليقات:
إرسال تعليق