... أجمل مكان ...
والله زمان يا أجمل مكان
هنا في المكان ده
أول مرة شفتها
أول مرة كلمتها
وهنا في المكان ده
اتولد حلمنا طفل برئ
سميناه حبنا
هنا عشنا أجمل أيام عمرنا
هنا وقفنا سوى
وتكلمنا كتير في الهوي
وهنا ضحكنا سوى انتى وانا
ورسمنا أول خطاوي حلمنا
وهنا مشينا.. وهنا جرينا
وهنا مسكنا أيدين بعضنا
وهنا فرحنا كتير بحبنا
وهنا وفيك يا أجمل مكان
نزل دمعنا
وكانت بداية جرحنا
وهنا حبنا هان
يا أجمل مكان
ودلوقتي أنا.. جايلك وحيد
جاي وشايل جراحي
وفكري شريد
جاي اشوفك.. أسألك.. أحلفك
حبيبي بيجيلك زيى... هنا
ويسأل ؟
ولا نسي الحب اللي كان ؟؟
يا أجمل مكان
والله زمان... زمان
يا أجمل مكان
بقلمي/ ابومعاذ Abo Moaaz Mohamed
0 التعليقات:
إرسال تعليق