##صوتك###بقلم:شيماء الدالى#

##صوتك##
صوتك ياحبيبى بركان
هز كل ما فيا
صحا كل السكان
قلبى وروحى وعنيا
خدنى لدنيا بعيده
دنيا عنى غريبه
ولقيت معانى جديده
الشقاوه والقوه والهيبه
صوتك وقفنى ثبات
ونقلنى جوا دنياك
وجابلى مليون إثبات
على انى اعشق هواك
نبره الذكاء فى صوتك
بتجذبنى وبتسحرنى
حتى الهمس فى سكوتك
من صمتى انا يحررنى
فى صوتك لهفه وحنان
ورهبه كده بتبهرنى
فى صوتك تلميح كمان
قادر على قلبى يأمرنى
صوتك ملهوش شبيه
اتحكم فى نبض قلبى
صوتك جواه تنبيه
بدأ قصه حبى
محتاجه انى اسمعك
عيشنى جوا المعانى
اوعى شئ يمنعك
تعالى وحلى زمانى
صوتك خلاص ادمنته
بلاش تحرمنى جرعته
عشت جواه وسكنته
ومبسوطه اوى بضمته

#بقلم:شيماء الدالى#