الطير المسافر
ياطيري يامسافر
ياللي انت بتعافر
فى السما لوحدك
إمتى هتعاود.
إمتى هتهاود
قلبى اللي مشغول بك
ياطير يامداري
لساك فاكر داري
ولا انت مش داري
بقلبي اللي بيحبك
الشوق مهوش غالبك
قولهالي من قلبك
بتحبني ولا
دربي مهوش دربك
ياطيري يامهاجر
عود ليا من تاني
تعبت من هجرك
وقلبي بيعاني
تعلالي تعلالي
ياساكن العالي
سايبني ليه وحدى
أغني موالي
ياطيري يامعدي
ميل هنا وهدي
إمسح دموع عيني
بتسيل على خدي
الود كان ودي
أطيرمعاك والله
أعيش معاك عمري
وبحسنك أتملى
لكنه مابيدي
العيب على جراحي
معجزه جناحى
وإمتى هتعافى
كله بأمر الله
بقلم طارق السيد
0 التعليقات:
إرسال تعليق